WENN ICH BEATLES HÜR
Wenn ich Beatles hür, deit sich jet en mir
Wenn ich Beatles hür, denk ich an die vier, un wie mer dann bejreffe han,
dat en nem Kopp met lange Hoor,
och jet mih wie Strüh stecke kann.
1. Domols wor ich jrad eets fuffzehn Johr,
wie ich die Plaat beim Heinz jehoot han,
un su kom et, dat m‘r koot donoh,
su wie hundert and‘re Bands Musik jemaat han.
Refrain:
Wenn ich Beatles hür, deit sich jet en mir Wenn ich Beatles hür, weiß ich dat die vier irjendwann dä Lück jezeich han,
dat en nem Kopp met lange Hoor,
och jet mih wie Strüh stecke kann.
2. Mer han em Keller stundelang jeprob,
su wie dat and‘re och jemaat han.
Un su kom et, dat m‘r en d'r Schull,
usser Englisch, nit mih all zo vill jebraat han.
C-Teil:
Un met nüngzehn Johr dann, moot ich zor Bundeswehr, et wood zwar noch jesunge, doch dobei wood marscheet, un d'r Kreech usprobeet, domet kom ich nie zoräch.
Refrain:
Wenn ich Beatles hür, kann ich nix dofür Wenn ich Beatles hür, deit sich jet en mir, ich denk dodran,
wie mer dann - bejreffe han,
dat en nem Kopp met lange Hoor och jet mih,
dat en nem Kopp met lange Hoor
mih wie Strüh,
dat en nem Kopp met lange Hoor och jet mih wie Strüh stecke kann.
© BLÄCK FÖÖSS