Musik: Bläck Fööss
Text: Bläck Fööss
Verlag: De Bläck Fööss Musikverlag GmbH
Jahr: 1977
1. Dä kleine decke Dieter sät zo singem Pap
Pap ich muß e Rollbrett han.
Weil mer met dem Dinge schneller
vill schneller als op Rollschoh fahre kann.
Nix, sät do d'r Pap
Do häs doch schon e Kettcar un Carrerabahn
de Mam, die jrad am büjele wor
meint, dat fange mer janit eets an.
meint, dat fange mer janit eets an.
2. Dä kleine decke Dieter hing am nächste Daach
bei singem Pap em Hobbykeller dren
Un bovven en d'r Köch fröch et Claudia de Mam,
Mam, häs do ming Rollschoh nit jesinn?
Nä, sät do de Mam,
saach mer leever wo dat kleine Büjelbrett litt.
Do röf d'r Dieter vun d‘r Stroß erop,
ich han jet Neues, Claudia fahr met.
ich han jet Neues, Claudia fahr met.
Refrain 1:
Kumm loss jon, loss mer Rollbrett fahre
Kumm loss jon, loss mer Rollbrett fahre
Kumm loss jon, loss mer Rollbrett fahre jon.
Refrain 2:
Met uns'em Rollbrett jöcke mer de Stroß eraf
un jage links un rächs öm de Eck.
Un wenn de ens de Kurv nit kriß
dann lis de met d'r Nas em Dreck.
Refrain 1:
Kumm loss jon, loss mer Rollbrett fahre...
3. De Mam kom volljepack vum Supermarkt heim,
do schoß dat Rollbrett öm de Eck.
Met dem kleine Dieter un dem Claudia
de Mam, die wood janz stief vör Schreck.
Paaf, do floch se dann,
met Eier, Äppel, Kappes un dem janze Meß.
Ihr hatt se wohl nit all, ich han de Nas jetz voll
dat sagen ich dem Pap, dann jitt et Reß.
dat sagen ich dem Pap, dann jitt et Reß.
Refrain 1:
Kumm loss jon, loss mer Rollbrett fahre…
Refrain 2:
Met uns'em Rollbrett jöcke mer de Stroß eraf
un jage links un rächs öm de Eck.
Un wenn de ens de Kurv nit kriß
dann lis de met d'r Nas em Dreck.
Refrain 1:
Kumm loss jon, loss mer Rollbrett fahre...