Musik: Bläck Fööss
Text: Bläck Fööss
Verlag: Roba Musikverlag GmbH
Ich wor em 5. Schulljohr, do wot ich fies erwisch,
ich moot dann an de Tafel, wood kalkwieß em Jeseech
d'r Lehrer saat: Zieh de Brille aus
un halt dich jetz jut fess, fang nur nit an ze kriesche,
söns kriste dubbelt Ress.
Refrain: Ich möch su jän ens kriesche
doch kriesche darf m'r nit
Schon als kleine Jung weed dir jesaat:
Indianer kriesche nit.
Ich möch su jän ens kriesche,
weil et mir manchmol donoh es.
Mädche dürfe kriesche, Indianer dürfe dat nit.
Mädche dürfe kriesche, Indianer dürfe dat nit.
Em Stadion do trofen sich jot sibbedausend Mann
ich hatt ene jode Platz erwisch, doch de Zick die wood m'r lang
ich wor ming Fahn am schwenke, die Junge störte dat nit,
2 : 1 verlore, FC-Fans kriesche nit.
Refrain: Ich möch su jän ens kriesche ...
Am Sambsdaachovend soße mer vürm Fernseher parat
un han wie immer janz jespannt op de Lottozahle jewat,
eets 4, dann 5, dann alle 6, ich moot direk nom Klo
do saat ming Frau: Schäng, he es d'r Sching,
et Büdche hatt allt zo!
Refrain: Ich möch su jän ens kriesche ...
Ich kumme jrad vum Zahnarz, ich daach ming Zäng sin fuul,
et Uschi hatt zo mir jesaat: du stinks schwer us d'r Mul,
hä dät och janit bohre, ich daach ich künnt noh Huss,
hä saat: Ding Zäng sin prima, doch et Zahnfleisch muß erus.
Refrain: Ich möch su jän ens kriesche ...
Mädche dürfe kriesche, Indianer dürfe dat nit
Mädche dürfe kriesche, Indianer dürfe dat nit
Mädche dürfe kriesche, Indianer dürfe dat nit
Mädche dürfe kriesche, Indianer dürfe dat nit.