Musik: Bläck Fööss (mit Joko Jaenisch)
Text: Bläck Fööss (mit Joko Jaenisch)
Verlag: Roba Musikverlag GmbH
Wenn ich morjens wach weed'
han 'ne schlächte Draum jehat
föhl ich mich schon mies
un han de janzen Dach ad satt
un drieh mich 'röm
dann schlof ich widder en.
Zwei Stund späder
maach ich dann ming Aure widder op
de Sonn kütt durch et Finster ren
un vun der Stroß erop
hür ich dä Krach
Kaffee mät mich jetz wach.
Refrain: Dann denk ich
maach ens blau, et koss doch nit de Welt
mer kann doch nit bloß immer arbeide jon
ich maach hück ens dat wat mer jefällt
et weed och ohne mich ens jon
(Dat muß doch jede Minsch verston)
Et weed och ohne mich jon.
Nommedachs öm drei
do dösen ich su vür mich hin
weiß nit janz jenau
wo ich he eijentlich ben
un drieh mich 'röm
ich muß he em Büro sin.
Do steiht et Frollein Schneider
met dem Kaffee en d'r Dür
un jetz sin ich och dä Berch
vun Akte nevven mer
un mer weed flau
Doch morje do maach ich blau.
Refrain: Nur eimol
Maach ich blau, et koss doch nit de Welt
mer kann doch nit bloß immer arbeide jon.
Ich maach hück ens dat wat mer jefällt
et weed och ohne mich ens jon
(Dat muß doch jede Minsch verston)
et weed och ohne mich jon.
Maach ens blau, et koss doch nit de Welt
mer kann doch nit nur immer arbeide jon,
ich maach hück ens dat wat mer jefällt
et weed och ohne mich ens jon
(Du Jeck, do dräums' de doch nur vun)
et weed och ohne mich jon
Nur eimol weed et doch ens ohne mich jon.