Musik: Bläck Fööss
Text: Bläck Fööss
Verlag: Roba Musikverlag GmbH
1. Wä kennt en nit dä dolle Kähl,
der in d'r Wetschaff steht.
Nur große Sprüch am Kloppe es,
wie jot et ihm doch jeit.
3080 Mark em Mont sin netto bei ihm drinn,
ach Dach fürm nächste etzte dann
löt hä sich nit mih sinn.
Refrain: Dat sin die Lück, di jeder kennt
die künne nix doför,
doch steck nit och e janz klei Stück
dovon in dir un mir.
Muzepuckel, Affjebröhte, Schlofmötz un Filou,
Schluffe, Streuer, Klatschtant, Kötter.
Lück wie ich un du.
2. Wä kennt en nitt, dä jode Fründ
dä alles bruche kann,
dö zo dir kütt un du fröchs dich
wat will dä widder han.
Un hätt hä dann jet affjestaub,
du freus dich dat hä jeit,
bedank hä sich versprich dat dä
bahl widderkomme wed.
Refrain: Dat sin die Lück.............
3. Wä kennt nit die nette Nohbarsfrau vun nevvenahn.
Die morjens hingerm Finster steht un sät:
" No süch ens ahn! "
Die spätestens öm 11 Uhr weiß,
wat mir ze Meddach han,
un janz genau verzälle kann,
wie off der Meier kann.
Refrain: Dat sin die Lück............